Bovara.

Bovara av Jan Roar Leikvoll.

Eventyrleg roman frå klostermiljø.

Jan Roar Leikvoll er blitt samanlikna med internasjonale forfattarar som Cormac McCarthy, og hans kompromisslause og kritikarroste forfattarskap er blant dei mest spennande her til lands.
Frrok er gartnar i klosteret ved landsbyen Bovara, men når hans venn Flori forlet hagearbeidet for å arbeide med ei bok i tårnet, blir Frrok åleine med innhaustinga og hagestellet. Og tilveret hans blir kasta heilt på hovudet når ei prostituert jente på flukt bankar på døra til klosteret. Frrok gøymer henne i kjellaren, og oppdagar med eitt at han har makt over liv og død.
Bovara er ein eventyrleg roman om makt, svik og kjærleik. Nok ein gong foreinar Leikvoll det vakre og det grusame i sin særeigne skrivestil.

Du kan låne boken på biblioteket: http://websok.mikromarc.no/Mikromarc3/web/detail.aspx?Unit=6479&db=ostfold-vgs-felles&Id=120764&SW=Bovara%20:%20roman&SC=FT&LB=FT&MT=0&SU=6603&DG=0&ST=Normal&Browse=1&P=1